Киир

Киир

Үлэ ырыынагын үөрэтэр  SuperJob тэрилтэ 27 000 вакансияны хабан хамнас кээмэйин үөрэтэн көрбүт. Ол түмүгэр, Дьокуускайга олунньу ыйдааҕы туругунан ханнык үрдүк хамнастаах үлэ миэстэлэрэ бааллара биллибит.

SuperJob тэрилтэ суруйарынан, бастакы миэстэҕэ техническэй хааччыйыы инженерэ турар. Тэрилтэлэр бу дуоһунаска  80 тыһ. кырата суох хамнаһы мэктиэлииллэр.  Маннык үлэҕэ сананар киһи үрдүк техническэй үөрэхтээх уонна үс сылтан аҕыйаҕа суох уопуттаах буолуохтаах.  Техниканы оҥорон таһаарар, атыылыыр тэрилтэлэри билэр буоллаҕына, өссө үчүгэй.

Иккис миэстэҕэ “түргэн” дьиэлэри тутан таһаарар тэрилтэлэри кытта үлэлиир  менеджер тахсыбыт. Кини хамнаһа  60 тыһ. солк. саҕаланар.  Биллэн турар, үрдүк үөрэхтээх, 1 сылтан кырата суох атыылыыр уонна кэпсэтиини ыытар уопуттаах буолуохтаах. Маннык үлэһиккэ тэрилтэ мэдисиинэ страховкатын, кэлэр-барар айанын ороскуотун төлүүргэ уонна чэпчэтиилээх кирэдьиит биэрэргэ эрэннэрэр.

Үһүс миэстэҕэ аптека сэбиэдиссэйин дуоһунаһа турар. 55- 80 тыһ.солк. диэри хамнас аахсар иһин, аптека сэбиэдиссэйэ үлэһиттэри дьаһайыахтаах, ассортимены, тохтоло суох үлэни хааччыйыахтаах итиэннэ отчуот толорон туттарыахтаах.  Үлэҕэ ылааччы маннык үлэһиккэ эбии босхо үөрэттэриини мэктиэлиир.

Маны сэргэ бу үрдүк хамнас рейтинигэр мерчендайзер уонна атыылыыр салаа менеджерэ  диэн исписэлиистэр  киирбиттэр. Кинилэри үлэҕэ ыҥырааччылар 50,5 тыһ. солк. итэҕэһэ суох хамнаһы төлүөх буолаллар.

Өссө биир түгэн: үгүс тэрилтэ сүүрэ сылдьар массыыналаах үлэһити көрдүүрэ элбээбит.

Тарҕат:

Санааҕын суруй

Бүтэһик сонуннар