РИА сонуннарыгар суруллубутунан, Индия Арассыыйаттан 15 мөл. баррель ньиэби атыылаһыах курдук эбит.
Индия судаарыстыбатын ньиэпкэ уонна гааска миниистирэ Хардип Сингх Пури этэринэн, Нью-Делигэ Арассыыйаттан ньиэби атыылаһар туһунан кэпсэтиини ыыта сылдьар эбит.
"Индия Арассыыйаттан... 15 мөлүйүөн баррельга тиийэ сиикэй ньиэби атыылаһыан сөп», - диэн источниктарга суруллубут.
Биллэринэн, Индия туттар ньиэбин 80%-н тас дойдулартан ылан олорор эбит, ол быыһыгар 2–3% Арассыыйаттан кэлэр эбит. Ол эрээри бу сырыыга, өскөтүн элэктэриичистибэ сыаната үрдээн эрэрин кыччатар кыахтаах буоллаҕына, Индия биһиги дойдубутуттан ньиэби атыылаһыытын элбэтиэн сөп.
«Арассыыйа судаарыстыбата ньиэби уонна даҕаны атын табаардарын улахан чэпчэтиилээх биһиэхэ атыылаары гынар. Биһиги онуоха үөрүүнү кытта сөбүлэһэбит. Биһиги өссө даҕаны быһаарар боппуруостардаахпыт, ол курдук танкеры, страховой сабыыны уонна ньиэп булкаастарын туһунан боппуруостары быһаарыах тустаахпыт», - диэн Индия чунуобунньуктара этэллэр.
Кинилэр чопчулуулларынан, сааҥсыйалар сырьену атыылаһарга мэһэй буолбаттар.
Манна даҕатан этэр буоллахха, Арассыыйа уонна Индия судаарыстыбалар икки ардыларыгар атыы-эргиэн дуогабара солкуобайынан эбэтэр рупиянан (Индия валютата) толорулларын туһугар үлэ бара турар.
