Киир

Киир

Саха сиригэр социальнай суолталаах ас-үөл саппааһын эбэн биэрэр соруктаахтар. Олор быыстарыгар бурдук эмиэ киирсэр. Бурдук саппааһа нэһилиэнньэни хааччыйыыта 180 хонукка диэри тиийэр. Бу туһунан улуус баһылыктарын кытта мунньах түмүгүнэн, Саха сирин Бырабыыталыстыбатын Бэрэссэдээтэлэ Андрей Тарасенко иһитиннэрдэ.

c75610e271df8003c692b8a616bf45e2b8cd871b

9e9de52a6a4b2608acf3414d81f87f81cbc7eb46

Эрдэ Ил Дархан Айсен Николаев эрэгийиэммит тэрилтэлэригэр аһы-үөлү урутуур эрэсииминэн аҕалыыны өйүүр уонна өрөспүүбүлүкэбит аһа-үөлэ бүтэр куттала суох буолуутун соругун туруорбута.

«Стабильнай туруктаах оройуоннар бааллар, ол эрээри, саппааһы мөлтөхтүк дьаһанар сирдэр эмиэ бааллар. Оройуон баһылыктара, маныаха, миэстэлэринэн ас-үөл кыһалҕата хайдаҕын билиэхтээхтээхтэр. Хайаан даҕаны урбаанньыттары кытта сибээскитин тута сылдьыҥ уонна тиксэрэн аҕалыыга, таһаҕаһы тиэйиигэ тахсыбыт кыһалҕаны түргэнник быһаарар туһуттан, аһы-үөлү аҕалааччы вагоннар нүөмэрдэрин даҕаны, биллэрэн иһиҥ», - диэн Андрей Тарасенко муниципальнай тэриллиилэр салайааччыларыгар эттэ.

Өрөспүүбүлүкэбит 7 улахан атыы-эргиэн тэрилтэлэрэ көрдөрүүлэринэн, 2 800 туонна бурдук саппааһа баар эбит.

Андрей Тарасенко өрөспүүбүлүкэбитигэр урбаанньыттары өйүүр миэрэлэр ылыллыбыттарын туһунан санатта. Кини бу туһунан сырдатыыны хас биирдии аһы-үөлү тиэйэр тэрилтэлэргэ тиэрдэллэрин курдук, оройуоннар баһылыктарын сорудахтаата.

Санатан эттэххэ, кууһунан эбэтэр биирдиилээн атыы-эргиэн эйгэтин дьоҕус, орто урбаан субъектарыгар чэпчэтиилээх иэс ылааһын уонна сылга 8%-х кирэдьииттэригэр биир сыллаах болдьоххо рефинансирование баар буолбут.

Нолуогу судургу систиэмэнэн төлөһөр, бары көрүҥ урбаанньыттарга административнай хааччахтар сарбыллыбыттар уонна кирэдьиит ылалларыгар ставкаларын бырыһыана кыччатыллан биэрбит.

Өрөспүүбүлүкэ бүддьүөтүгэр бурдугу ыларга 114,3 мөл. солк. кээмэйдээх субсидия көрүллүбүт. Оттон Арктика уонна уустук суоллаах-иистээх оройуоннарга ас-үөл эбии саппааһын олохтуурга Якутоптторг тэрилтэҕэ 208,1 мөл. солк. субсидия көрүллүбүт.

Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата сырдатыытыттан

 

 

 

Тарҕат:

Санааҕын суруй