Муус устар 6 күнүгэр, Вашингтон Арассыыйа утары саҥа сааҥсыйалары биллэрэр. Бу туһунан Reuters саайка бэҕэһээ суруллубут.
«Сарсын АХШ «Улахан сэттэни» уонна Дьобуруопа сойууһун кытта сөбүлэҥнээх эбии улахан сааҥсыйа миэрэлэрин биллэриэхтэрэ. Бу түмүгэр Арассыыйа балачча хоромньуну көрсүөҕэ уонна бу дойду салгыы экономика, үп уонна тиэхиникэ изоляциятын суолугар үктэниэҕэ», - диэн эгиэнистибэлиин кэпсэтээччи эппит.
Бу таһаарыыга суруллубутунан, саҥа сааҥсыйа Арассыыйаҕа туһааннаах саҥа инвестициялары бобууга сыһыаннаах. Үп тэрилтэлэригэр уонна Арассыыйа Федерациятын судаарыстыбаннай тэрилтэлэригэр хааччахтааһын кытаатыаҕа, маны таһынан, чунуобунньуктары уонна кинилэр дьиэ кэргэттэрин хаарыйыаҕа.
Арассыыйа утары бэһис бакыат сааҥсыйалары киллэрии туһунан Дьобуруопа хамыыһыйатын хотуна Урсула фон дер Ляйен эрдэ этэн ааспыта. Дьобуруопа сойууһун дойдулара Арассыыйа уунан устар аалларын Дьобуруопа пуортарыгар тохтуулларын бобоору гыналлар, маны сэргэ, ВТБ, «Открытие», Совкомбанк уонна Новикомбанк бааннарга транзакция ханнык баҕар көрүҥүн оҥорууну толору бобоору гыналлар.
