Тэлэбиисэр, монитор, халадыынньык уонна таҥас сууйар массыына үксэ Арассыыйаҕа оҥоһуллар, онон ырыынактан сүтүө суоҕа диэн Минпромторг (РФ Атыыга-эргиэҥҥэ уонна бырамыысалыннаска министиэристибэтэ) иһитиннэрбит.
Ол курдук, дьиэ-уот уонна көмпүүтэр тиэхиньикэтин оҥорон таһаарааччылар уонна атыылааччылар ассоциацияларын дааннайынан, Арассыыйаҕа атыыланар тэлэбиисэр 80%-на, монитор 35%-на, халадыынньык 90%-на, таҥас сууйтарар массыына 90%-на манна оҥоһуллар, ону ааһан тас дойдуга тахсар эбит.
Минпромторг этэринэн, арассыыйатааҕы Ozon хампаанньа Hartens атыы-эргиэн мааркатын атыылаһан ылбыт, онон бу сылга 100 тыһ. тэлэбиисэри оҥорон таһаарар соруктаах. Тэлэбиисэри Воронеж «Квант» собуотугар хомуйан оҥоруохтара. Оҥорон таһаарбыт табаарын маркетплейс бэйэтин online-былаһааккатыгар атыылыа.
Арассыыйаҕа дьиэ-уот тиэхиньикэтигэр уонна электроникаҕа сыана намтаан иһэрэ бэлиэтэнэр. Сорох бөдөҥ ритейлердэр эрдэ соппут аахсыйаларын уонна чэпчэтиилэрин төттөрү киллэрэн эрэллэр.
