Кэмпэндээйи тууһун Саха сирин балыксыттара сүрдээҕин хайгыыллар. Мииринэйдэр элбэх быраҥаатталаах, сордоҥноох, алыһардаах, күстэхтээх Бүлүү муоралаах буоланнар балык тууһааһыныгар интэриэстээхтэр. ССРС саҕаттан балык тууһуур собуот Чернышевскайга баар.
Хаһыс да сылын Кэмпэндээйи тууһун Мииринэй куоратыгар «Татыйыына» маҕаһыына атыылыыр. Дьон хамаҕатык ылар.
Балыгы тууһааһыҥҥа, Кэмпэндээйи гиэнэ таһыччы ордугун учуоттаан туран, мөһөөччүктэрдээх тууһу тиэнэллэр. Дьон аһылыкка туттар тууһун туһунан Кэмпэндээйитээҕи туус хампаанньатын дириэктэрин солбуйааччыта И.И. Местниковтан ыйыпыппар санаата бөҕөх: «Аһылыкка туттуллар туус мөһөөччүктэргэ кутуллан атыыланар. Аны билигин тууспутун 500 грамм хаалаах (фото) атыылыыбыт. Дьокуускайга, Кэмпэндээйи тууһун “Туесок” маҕаһыын атыылыыр. Былааммыт-сорукпут элбэх”.
Уйбаан Местников эппитигэр даҕатан бэлиэтээтэххэ, Кэмпэндээйитээҕи туус хампаанньата бүдьүөттэн үбүлэнэр тэрилтэ буолбатах. Хайдах сыралаһан үлэлээбититтэн, хайдах бородууксуйаны батарбыппытыттан эрэ тутулуктаах.
Билигин, “импортозамещение” ол эбэтэр бэйэ оҥорор бородууксуйатын далааһыннаахтык туһаныы соругун дойдубут бырабыытылыстыбата өйүүрүн биллэрдэ.
Аны Саха сирин бырабыытылыстыбата, промышленность министиэристибэтэ манан быһаччы дьарыктаналлара ирдэнэр.
Онон, Кэмпэндээйитээҕи туус собуота атаҕар туруо диэн эрэл үөскээтэ.
Станислав Алексеев. Мииринэй куората. Ааптар хаартыскалара.
