Нерюнгри куоракка, ыам ыйын 23 күнүгэр, «Якутуголь» тэрилтэ профориентация үлэтин чэрчитинэн, устудьуоннарга аналлаах «Нерюнгринская» фабрикаҕа экскурсия ыытта.
Тэрээһиҥҥэ Нерюнгритааҕы Соҕуруулуу-Саха сиринээҕи технологическай колледж «Обогащение полезных ископаемых» факультетыгар үөрэнэр 15 устудьуон, салаа сэбиэдиссэйэ уонна 5 преподаватель кыттыыны ылла.
Экскурсияны фабрика инженер-технолога Олег Брюханов ыытта.
Манна устудьуоннар тэрилтэ устуоруйатын, оҥорон таһаарыы хаамыытын уонна фабрика уратыларын туһунан билистилэр. Салгыы, кыттааччылар байытар сыахха сырыттылар, вибрационнай центрифугалар, үс бородуукталаах гидроциклоннар, лиэнтэлии көрүҥнээх фильтр-пресстэр туһунан билистилэр. Маны сэргэ, флокуляннары туттан шламнары хойуннарар үлэҕэ холонон көрдүлэр уо.д.а.
«Маннык тэрээһиннэргэ сылдьан, устудьуоннар биһиги тэрлитэбит оҥорон таһаарыытын кытта ыкса, чугастык билсэллэр уонна инники идэлэрин туһунан эдбэх саҥаны билэллэр. Кэлэр балаҕан ыйыгар, хамсыктан (пандемияттан) сылтаан тохтоон хаалбыт «Нерюнгринский» салаабытыгар маннык билиһиннэрэр экскурсияларбытын саҥардыахпыт», - диэн «Якутуголь» тэрилтэ дириэктэрэ Иван Цепков кэпсиир.
«Якутуголь» АУо пресс-сулууспата сырдатыытыттан
