Киир

Киир

Саха сирин ыччатын ниэп-гаас промышленноһыгар бэлэмнээhин дьыалатыгар Мииринэй оройуона уhулуччу оруоллаах диир оруннаах буолуо. Холобур, ниэпкэ-гааска идэтийэр Мииринэйдээҕи тэхиниичэскэй колледж (МРТК) самалыга – Светлэйдээҕи филиал өссө сайдар, улаатар кэриҥнээх. 2023 сылга ниэби уонна гааһы хачайдааһын хайысхатыгар саҥа салаа аһыахтаахтар.

Мииринэйдээҕи эрэгэйиэн-тэхиниичэскэй колледжын Светлэйдээҕи филиала кэнники сылларга, ниэп-гаас тэрилтэлэригэр анаан, балачча үлэһити бэлэмнээтэ. Оттон  Светлэйдээҕи филиал - Арассыыйа үрдүнэн 100 бастыҥ орто үөрэх кыhаларыттан биирдэстэринэн буолар.

МРТК Светлэйдээҕи  филиалын бүтэрбит уолаттар уонна кыргыттар бу  ааспыт сылларга  «Роснефть», “АЛРОСА-Гаас” тэрилтэлэргэ балачча кэлитэлээтилэр. Арай “Сургутнефтегаас” уонна “Транснефть” тэрилтэлэргэ үлэлии киирии букатын уустук. Манна киирбит ыччат сэдэх. 2017 сылтан ылата Мииринэй устудьуоннарын «РНГ» хампаанньа үлэҕэ ылыталыыр буолла.

Светлэйдээҕи филиалга 2Светлэйдээҕи филиалга

Мииринэйдээҕи политехническэй институт  -  ниэп-гаас салаатыгар идэтийэр Саха сиригэр соҕотох үрдүкү үөрэх кыһата.

МПТИ ХИФУ 2

Уопут көрдөрөрүнэн, МПТИ ниэп-гаас идэтигэр үөрэммит ыччаттар «Таас-Үрэхнефтегаздобыча» хампаанньаҕа ордук сөбүлээн  үлэҕэ киирэллэр эбит. Тоҕо диэтэххэ, “Таас-Үрэхнефтегаздобыча” – “Роснефть” самалыга.

Джульетта Иванова МПТИни бүтэрээт Таас Үрэхнефтегаздобычаҕа үлэлиир 2Джульетта Иванова, МПТИни бүтэрээт, "Таас-Үрэх нефтегаздобыча" тэрилтэҕэ үлэлиир

Аҕыйах сыллааҕыта, ниэп-гаас үлэһиттэригэр анаан,  «Роснефть» Таас-Үрэх  сэлиэнньэтин аттыгар саҥа баахта-куораты туппута.

Онно усулуобуйалара эппиэттиир: суотабай сибээс, интэриниэт, тотоойу аһылыктаах остолобуой,  итии-тымныы уулаах, дуустаах хостор, успуордунан дьарыктанар саалалар, медпуун, таҥас сууйар хос.

ТаасҮрэхнефтегаздобычаҕа үлэҕэ ыҥыраллар 2"Таас Үрэх нефтегаздобыча" тэрилтэҕэ үлэҕэ ыҥыраллар

Биир олохтоох бөдөҥ гаас тэрилтэтинэн «АЛРОСА-Гаас» буолар. Манна сыл ахсын МПТИ да, Светлэй техникумун устудьуоннара да быраактыкаларын бараллар. Оттон “АЛРОСА-Гаас” Мииринэй үөрэҕин кыһаларын бүтэрбит ыччаттары туох да мэһэйэ-таһайа суох үлэҕэ ылар.

Нефтяниктары үлэҕэ ыларга кичэйэн тургуталларНефтяниктары үлэҕэ ыларга кичэйэн тургуталлар

Уопсайынан, ниэп-гаас салаата Саха сиригэр кэҥээн, улаатан иһэр. Кэскилэ да сүҥкэн. Тоҕо диэтэххэ, Кытай баараҕай экэниэмикэтэ  ниэп-гаас уматыкка сүрдээҕин  наадыйар.  

Кытайга диэри уматыгы хачайдыыр ИСТА уһун ситимэ Мииринэй оройуонуттан саҕаланар. Онон үлэ инникитин баар буолуо диэн сабаҕалыыбыт.

Станислав Алексеев. Мииринэй куората  

Тарҕат:

Сэҥээриилэр

Anonymous
-1 Anonymous 07.07.2022 23:10
Распродажа остатков со скидкой 50% (в связи с уходом с рынка)! Портативный кoндиционер, прeкрасно оxлаждает, очищaет и увлaжняет воздух. Очeнь кoмпaктный, рaботает от USB и cети, мoжно пocтавить в мaшину или взять с сoбою на работу или пляж. Вы cможете наcлаждаться проxладой где угодно всего за 1990 рyб., вот cайт ----- http://bit.do/condy
Ответить

Санааҕын суруй

Бүтэһик сонуннар