Өрөспүүбүлүкэҕэ үрүҥ илгэни үрүлүтүү тэтимнээхтик бара турар. Атырдьах ыйын 8 күнүнээҕи дааннайынан 33906,3 туонна үүтү ыабыттар, ол эбэтэр сыллааҕы былаан 54,7% туолбут.
Быйыл 62 000 туонна үүтү ыахтаахпыт. ТХМ иһитиннэрбитинэн, быйыл үүтү ыырга өрөспүүбүлүкэ бүддьүөтүттэн 3,1 млрд солк. субвенция көрүллүбүт, ити – былырыыҥҥыттан 237,5 мөл. солк. элбэх.
Ол курдук, атырдьах ыйын саҕаланыыта сорох улуустар былааннарын таһынан бардылар: Горнай (1 162,2 т ыатылар); Ленскэй (665,4 т); Нам (1 376,9 т); Сунтаар ( 3 969,4 т); Таатта (2 410,7 т); Томпо ( 404,3 т); Уус Алдан (1 362,7 т); Хаҥалас (2 407,5 т); Чурапчы (2 766,1 т).
“Быйыл үүккэ 3,1 млрд солк. субвенция көрүллүбүтэ, олортон улуустарга
2 679 500,75 тыһ. солк. номнуо ыытан олоробут, ол эбэтэр көрүллүбүт субвенцияттан 86,44% тыырдыбыт. Маны таһынан, Ил Дархан Айсен Николаев сорудаҕынан кэтэх хаһаайыстыбалаах дьонтон үүтү тутарга 58 мөл. солк. судаарыстыбаннай көмө көрүллэн турар”, — диэн тыа хаһаайыстыбатын миниистирин бастакы солбуйааччы Петр Попов кэпсээтэ.
