Киир

Киир

Бүгүн социальнай ситимнэринэн, кулун тутар 20 күнүгэр 1200 стерилизацияны ааспыт ыттары барыларын босхо ыытаары сылдьалларын туһунан сурах тарҕанан, дьону аймаата. Онуоха, олус элбэх киһи суоһурҕанна, ким эрэ ыттан көмүскэнэр тэрил көрдүү барарын, оттон сорох киһи таһырдьа тахсыы кутталламмытын туһунан уонна да өссө элбэҕи суруйаннар, социальнай ситимнэрбит «оргуйа сыстылар».

Бу туһунан ыйыталаһаары, Дьокуускай куорат дьаһалтатын пресс-сулууспатыгар тахса сырыттым. Онуоха, испэсэлиистэр: “Ити сымыйа сурах. Сотору, ити сымыйа сурах тарҕана сылдьарын туһунан сырдатыыны таһаарыахпыт”, - диэтилэр уонна бэлэмнээн суруйбуттарын ыыттылар.

Кинилэр суруйалларынан, Дьокуускай куорат Очиченко уулуссатын 57-с уулуссатыгар турар ыты тутар пуунтан ыттары босхо ыытаары сылдьалларын туһунан сурах оруна суоҕунан ааҕыллар. Бэдэрээччиктиин, «Помоги выжить» Пуонда дириэктэрэ Екатерина Безрученколыын ыттары бу приюкка олохсутуу туһунан хантараак түһэриллибит эбит. Билиҥҥи туругунан, 2021 сыл ахсынньы 31 күнүттэн, ыттары босхо ыытыы туһунан боппуруос толору быһаарыллыар диэри, ыттары урукку курдук ыытан кэбиһии суут уурааҕынан бобуллан турар эбит.

Дьокуускай куорат хаһаайыстыбатын туттуу (эксплуатация) сулууспата тиэрдэринэн, бу ыттары тутар сиргэ 1200 миэстэ баар. Билигин эбии 250 ыт вольерын тиксэриигэ докумуоннары бэлэмнии сылдьаллар.

Тарҕат:

Сэҥээриилэр

Маня
0 Маня 19.03.2022 12:06
Эчи элбэҕин! Таһаардахха дьэ куттал, кырдьык. Ыт элбии турар буоллаҕына барыларын приютка тутар иитэр кыаллыбакка син биир таһаарыахтара дии. Сокуон уларыйдаҕына табыллар. Ол сокуоммут сураҕа суох сүттэ.
Ответить

Санааҕын суруй