Киир

Киир

«Нуучча» саха киинэтэ алтынньы 13 күнүттэн улахан экраҥҥа тахсыаҕа. Бу туһунан режиссер Владимир Мункуев иһитиннэрэр.

«Билигин киинэ тыйаатырдарыгар олус ыарахан кэм, ордук чуолаан эрэгийиэннэргэ. Биһиги таһаарыыбыт кыратык даҕаны буоллар киинэ саалаларын толорорго көмөлөһүөҕэ уонна көрөөччү киинэҕэ барыаҕа диэн эрэнэбин. Мин хайаан даҕаны Дьокуускайга киинэни көрдөрө тиийиэҕим», - диэн Владимир Мункуев этэр.

Киинэ продюсерынан Арассыыйа биллэр режиссера уонна сценариһа Борис Хлебников буолар. Арассыыйа кинематографистарын Сойууһун киинэҕэ кириитиктэрэ уонна киинэни үөрэтээччилэрэ этэллэринэн, «Нуучча» хартыына сыл бастыҥ киинэтинэн буолбут. Оттон «Афиша» этиитинэн, 2021 сыл түмүгүнэн Арассыыйа иһинэн бастыҥ ааптарыскай киинэлэр ахсааннарыгар киирбит, маны таһынан, «Карловые Вары» норуоттар икки ардыларынааҕы бэстибээл East of the West («Илин-Арҕаа») куонкуруһугар «Хрустальный Глобус» наҕарааданы ылбыт.

«Нуучча» психологическай дыраама поляк суруйааччыта уонна этнограф Вацлав Серошевскай айымньыларынан уһуллубут. Манна Саха сирин 19 үйэтэ көстөр. Хабдьый уонна кини кэргэнэ Кэрэмэс иккис оҕолорун уҥуоҕун көмөн бараннар, тымныы уонна аччык кыһыҥҥа бэлэмнэнэллэр. Олохтоох кинээс эрэннэрбит көмөтүн оннугар кинилэргэ Костя диэн хаайыылаах нуучча киһитин дьукаах олордо ылалларыгар модьуйар. Бу киһилиин биир уопсай тылы булуу хара маҥнайгыттан кыаллыбат, эбиитин хаайыылаах дьиэ саҥа хаһаайына буоларга быһаарынар.

Киинэ трейлерын бу сигэнэн киирэн, Ютубтан көрүөххүтүн сөп - https://www.youtube.com/watch?v=1GEmE_AGDOE&t=9s
1 2362eb973ec3c954d589cdb3b681decimage 21 09 21 10 11 960x640 1 960x640 17 d 85085332ac9e5f71e016301739352046051632252593 film nuucha sajt kino teatr tochka ru 2nBkSUhL2hFUgn8qwLr6BvMKnxdDs95C miTNnuWR9mOBdDebBizCnTY8qdJf6ReJ58vU9meMMok3Ee2nhSR6ISeO9G1N wjJPtkkfphO nRT6FCLw0b7bgw1500 49841263w1500 49841265

Тарҕат:

Санааҕын суруй

Бүтэһик сонуннар