#МЫВМЕСТЕ Бүтүн Арассыыйатааҕы аахсыйа чэрчитинэн, Арассыыйа саллааттара хорсун санааларын бөҕөргөтөр ырыалары сүрэхтиир дьоро түгэн Бэчээт Дьиэтигэр буолан ааста. Тэрээһиҥҥэ Саха Өрөспүүбүлүкэтин Култуураҕа уонна духуобунай сайдыыга миниистирэ Юрий Куприянов кыттыыны ылла.
«Баллада о снайпере» уонна «Российские орлы» ырыалар ааптардарынан хоһоонньут Лидия Глазкова уонна Саха Өрөспүүбүлүкэтин култууратын үтүөлээх үлэһитэ Алексей Калининскай-Луҥха Өлөксөй буолаллар. Матыыбы айааччы уонна композитор – Алексей Калининискай-Луҥха Өлөксөй.
«Баллада о снайпере» композицияны эдэр ырыаһыт, «Эн сулускун» ырыа күрэҕин финалиһа Таня Ющенко уонна ырыаны толорооччу, композитор, араадьыйа уонна тэлэбиидэнньэ ыытааччыта Евгений Прокопьев толордулар. Маны сэргэ, артыыстар бэйэлэрэ кыттыбыт килииптэрин сүрэхтээтилэр.
«Российские орлы» ырыаны Саха сирин норуодунай артыыһа, Судаарыстыбаннай опера уонна балет тыйаатырын артыыһа Александр Емельянов толордо.
Тэрээһиҥҥэ өрөспүүбүлүкэ Уопсастыбаннай балаататын, норуодунай фронт, СӨ Байыаннай дьайыылар бэтэрээннэрин Ассоциациятын, СӨ Саллааттар ийэлэрин Кэмитиэтин чилиэннэрэ уо.д. а. кытыыны ыллылар.
Сүрэхтэнии кэмигэр, ырыалар ааптардара Лидия Глазкова патриотическай музыкальнай бырайыакка бары ааптардар уонна толорооччулар волонтер соругунан, босхо кэлэн кыттыбыттарын туһунан эттэ.
Саха Өрөспүүбүлүкэтин култуураҕа уонна духуобунай сайдыыга миниистирэ Юрий Куприянов аныгы кэм музыканнара уонна поэттара маннык быыһык кэмҥэ, Арассыыйа дьонун өйүгэр-санаатыгар уонна сүрэҕэр иҥэр бэйэлэрин үтүө айымньыларын айан-тутан, биһиги саллааттарбытын өйүүллэрин иһин үөрбүтүн биллэрдэ.
Санатар буоллахха, өрөспүүбүлүкэҕэ #МЫВМЕСТЕ Бүтүн Арассыыйатааҕы аахсыйа саҕаламмыта. Бу чэрчитинэн култуура тэрилтэлэрэ аһымал тэрээһиннэри, хомуурга түбэспит саллааттарга анаан кэнсиэрдэри, хомуурга тиийбиттэргэ уонна кинилэр дьонугар көмөнү хомуйар соруктаах кэнсиэрдэри уонна испэктээкиллэри, чэпчэтиилээх быыстапкалары, байыастарга малы-салы хомуйууну уо.д. а. олохтууллар.
СӨ Култуураҕа уонна духуобунай сайдыыга министиэристибэтин пресс-киинэ суруйуутуттан
«Баллада о снайпере» ырыа
«Российские орлы»