Киир

Киир

Судаарыстыбаннай вокальнай «Туймаада» ансаамбыл  эр дьонун састааба Казань куоракка 42-с Норуоттар икки ардыларынааҕы «Восточная сказка» муусуканан уус-уран айымньы  күрэс-бэстибээлигэр «Народный вокал» номинацияҕа Гран-при кыайыылааҕа буолла.

Өрөспүүбүлүкэ култуураҕа уонна духуобунай сайдыыга миниистирин солбуйааччыта Марина Силина кэпсээбитинэн, күрэс алтынньы 28-30 күннэригэр «Триумф» айар холбоһук эгидатынан, Елена Образцова Муусука Академиятын өйөбүлүнэн ыытыллыбыт.

- «Туймаада» ансаамбыл артыыстарын үрдүк ситиһиилэринэн эҕэрдэлиибин. Кинилэр кэлэр сыл кулун тутарыгар Москубаҕа ыытыллар Култуура уонна ускуустуба эйгэтин Fossart бириэмийэтин иһин 3-с Норуоттар икки ардыларынааҕы күрэскэ кытта барар буоллулар! - диэн  Марина Силина үөрүүтүн үллэһиннэ.

ecfa683d e1b6 43fa ba77 bb1e15574e58

Кыайыы өрөгөйүн билиэх иннинэ, алтынньы  26-27 күннэригэр, ансаамбыл эр дьонун састааба эмиэ Казаньҥа ыытыллыбыт I-кы Норуоттар икки ардыларынааҕы  түүр омуктар эстрадаларын «Восточный базар. Россия-Казань» бэстибээлигэр кыттыбыта. Саха сириттэн өссө виртуоз-хомусчуттар Варвара Степанова уонна Нарияна Ренанто, ырыаһыт Дарья Лаврова кыттыбыттара.

Бу бэстибээлгэ Алтай, Башкирия, Чувашия, Дагестан, Хакасия, Тыва, Крым, Казахстан, Узбекистан, Туркменистан, Таджикистан, Азербайджана, Гагаузия, Турция, Китай артыыстара кэлбиттэрэ. Кыттааччылары Сергей Лавров, Ольга Любимова, Михаил Швыдкой уонна да атын салайааччылар видео нөҥүө эҕэрдэлээбиттэрэ. Бэстибээл умнуллубат түгэнинэн Узбекистантан Фаррух Закиров салайааччылаах аатырбыт «ЯЛЛА» ансаамбыл ыалдьыттааһына буолбута.

Туймаада

Манан ансаамбыл эр дьонун айымньылаах айана түмүктэммэт. Сэтинньи 2 күнүгэр артыыстар Бурденко госпиталыгар анал байыаннай дьайыыларга бааһыран эмтэнэ сытар байыастарга кэнсиэр көрдөрүөхтэрэ, оттон сэтинньи 4 күнүгэр бырабыыталыстыба кэнсиэртиир саалатыгар Норуот сомоҕолоһуутун күнүгэр аналлаах тэрээһиҥҥэ кыттыахтара.  

Сонун төрдө: СӨ Култуураҕа уонна духуобунай сайдыыга министиэристибэтин пресс-киинэ,  «Туймаада» ансаамбыл

Тарҕат:

Санааҕын суруй

Бүтэһик сонуннар