СӨ инновацияҕа, сыыппара сайдыытыгар уонна инфокоммуникационнай технологияларга министиэристибэтэ, Арассыыйа суруналыыстарын сойууһун Саха сиринээҕи салаата уонна Арассыыйа национальнай СМИлэрин ассоциацията биллэрбит саха тылынан суруйар суруналыыстар ортолоругар көҥүл тиэмэҕэ суруналыыстыка жанрдарынан «Уһун Дьурантаайы - 2023» аһаҕас күрэххэ үлэлэри тутуу бара турар.
Күрэх аан бастаан, Арассыыйа национальнай СМИлэрин ассоциацията көҕүлээн, 2019 сыллаахха тэриллибитэ. Онтон ыла 2020, 2022 сылларга ситиһиилээхтик ыытыллыбыта.
Жанрдара:
1. «Бастыҥ кэпсээччи» (отчуот, репортаж, кэмэнтээрий, чинчийии);
2. «Бастыҥ кэпсэтээччи» (интервью, монолог, диалог);
3. «Бастыҥ дьүһүйээччи» (очерк, зарисовка, эссе);
4. «Бастыҥ эҕэһит» (фельетон, памфлет);
5. «Бастыҥ ирдьит» (суруналыыс силиэстийэтэ, ирдэһии);
6. «Бастыҥ суоллааҕы бэлиэтээһин»;
7. «Бастыҥ ырытааччы» (ыстатыйа, ырытыы, рецензия);
8. «Бастыҥ анаарааччы» (аналитическай ыстатыйа, анаарыы).
Хас биирдии номинация I, II, III миэстэлэрдээх. Күрэхтэһээччи хас да жанрга кыттара көҥүллэнэр.
Күрэххэ 2022 с. от ыйын 1 күнүттэн 2023 с. бэс ыйын 10 күнүгэр диэри өрөспүүбүлүкэ, улуус, нэһилиэк бэчээтигэр уонна интэриниэт ситимигэр тахсыбыт үстүү үлэлэргитин ыытаҕыт.
Үлэлэри туттарарга кыттар жанрдарынан тус-туһунан паапкалаан ыытаҕыт. Инники лиискэ кыттааччы туһунан кылгас билиһиннэрии баар буолуохтаах. Салгыы күрэх үлэлэрэ: хаһыат, сурунаал балаһалара (PDF куоппуйалар), интэриниэт саайтан бэчээттэммит скриншоттар угуллаллар.
Тутуу болдьоҕо: 2023 сыл бэс ыйын 15 күнүгэр диэри Этот адрес электронной почты защищён от спам-ботов. У вас должен быть включен JavaScript для просмотра. электроннай почтаҕа ыытаҕыт.
Түмүк 2023 сыл бэс ыйын 26 күнүгэр диэри тахсар. Кыайыылаахтар I истиэпэннээх дипломунан, анал бирииһинэн, миэстэлэспиттэр II, III истиэпэннээх дипломнарынан наҕараадаланыахтара.
Наҕараадалааһын 2023 с. от ыйын 1 күнүгэр, Саха бэчээтэ төрүттэммит күнүгэр, үөрүүлээх тэрээһин кэмигэр туттарыллар.
БЫҺААРЫЫ:
Уһун Дьурантаайы ‒ олоҥхоҕо кэпсэнэр Айыы халлааныгар олорор суруксут. Аҕыс кырыылаах аалыы дьэҥкир таас баҕанатыгар Үрдүк Айыылар ыйаахтарынан аан дойду олоҕун тутулун уонна Орто дойду дьонун дьылҕаларын суруйар.