СӨ Тас сибээскэ уонна норуоттар дьыалаларыгар министиэристибэтэ төрөөбүт тыллары сайыннарыыга уонна харыстааһыҥҥа сүҥкэн кылааттаах дьоҥҥо бочуоттаах бэлиэни бигэргэттэ. Бу туһунан Ил Дархан уонна бырабыыталыстыба дьаһалтатын пресс-сулууспа иһитиннэрэр.
Саҥа бочуоттаах бэлиэ дизайныгар көҕүөр ойуур, кинигэ, сытыы бөрүө, сэргэ уонна чороон туһаныллыбыттар. Кэннигэр -- күн ойуута.
Маннык бочуоттаах бэлиэни тыл бэлиитикэтин сайдыытыгар, судаарыстыбаннай уонна официальнай тыллары сайыннарыыга уонна харыстааһыҥҥа үтүөлээх-өҥөлөөх Арассыыйа олохтоохторугар туттарыахтара.
Бу анал бэлиэ “Саха сирин судаарыстыбаннай уонна официальнай тылларын харыстааһын уонна сайыннарыы” судаарыстыбаннай бырагыраама иитинэн бигэргэннэ. Быйыл бу бырагыраамаҕа Айсен Николаев көҕүлээһининэн 100 мөл. солк. көрүллүбүтэ.
