Арассыыйа былааҕын күнэ биэлиэтэнэр атырдьах ыйын 22 күнүгэр Дьокуускай «Туймаада» стадионугар I өрөспүүбүлүкэтээҕи дьиэ кэргэн патриотическай «ОТОН.фест» бэстибээлэ буолаары турар.
Бэстибээл үөрүүлээх аһыллыытын «Карина» киинэҕэ сүрүн оруолу толорбут София Прибылых уонна эдэр шоумен Нюргустан Николаев ыытыахтара. Эһиэхэ анаан манна күнүс 11.00 чаастан киэһэ 18.00 чааска диэри эҥин эгэлгэ маастар-кылаастар, оонньуулар, тургутуктар, суруйааччылары уонна эдэр артыыстары кытта көрсүһүүлэр, олохтоох иис-уус быыстапка-дьаарбаҥката, ийэ туругун тупсарар былаһаакка, хенд-мейд табаар чэпчэтиилээх атыыта, оҕолор таҥаһынан уонна оонньуурунан атастаһыылара, буккроссинг, полиция сулууспалаах ыттарын кытта билсиһии уонна да атын тэриллиэхтэрэ.
Киэһээҥҥи өттүгэр Катя Черкашина, Эрхаан, Гуля Аверинская, Серго, Дмитрий Потапов, Алексей Пономарев, Свим Айс састааптаах «Үйэлээх» айар холбоһук босхо кэнсиэр көрдөрүө. Манна бэстибээлгэ анаан айыллыбыт саҥа ырыа сүрэхтэниэ.
Манна барытыгар көхтөөхтүк кыттыбыт дьиэ кэргэннэр, электроннай жетоннары-отоннору хомуйан, 300 000 солкуобайдаах туристыыр путевканы, уу харчынан 200 тыһ. эбэтэр 100 тыһ. солкуобайы сүүйүөхтэрин сөп. Бу бириистэри бэстибээл сабыллыытыгар туттарыахтара. Оттон аһыллыытыгар көхтөөхтүк кыттыбыт оҕолорго минньигэс бириистэри түҥэтиэхтэрэ.
Усулуобуйата: https://project10277811.tilda.ws/
