Режиссёр Михаил Лукачевскай «Кыталыктаах кырдалым» (Там, где танцуют стерхи) киинэтэ Минскэй куоракка XXX Норуоттар икки ардыларынааҕы «Лiстапад» киинэ бэстибээлигэр икки наҕарааданы биирдэ ылла. Бу – Беларусь Өрөспүүбүлүкэтин Бэрэсидьиэнэ Александр Лукашенко «За гуманизм и духовность в кино» уонна «Уус-уран киинэҕэ бастыҥ режиссура иһин Михаил Пташук аатынан бириис».
«Кыталыктаах кырдалым» киинэ исписэлиистэр үрдүк сыанабылларын инники иккитэ ылбытын санатабыт. Ол курдук, «Золотой ворон» норуоттар икки ардыларынааҕы уонна Саха сирин VII норуоттар икки ардыларынааҕы киинэ бэстибээллэригэр Гран-при хаһаайына буолбута. Онон, үһүс улахан кыайыытын ситиспит киинэ хамаандатын Ил Дархан Айсен Николаев телеграм-ханаалыгар эҕэрдэлээтэ.
Сонун төрдө: СӨ Бырабыыталыстыбатын уонна Ил Дарханын пресс-сулууспата
