Киир

Киир

Сунтаарга С.А.Зверев-Кыыл Уола төрөөбүтэ 125 сылыгар аналлаах тэрээһиннэр саҕаламмыттарын туһунан СӨ култуураҕа уонна духуобунай сайдыыга миниистирэ Афанасий Ноев тус ситимигэр иһитиннэрдэ.

Кини суруйарынан, улуус тэрилтэлэрэ, айар бөлөхтөр, биир дойдулаахтара саха үҥкүүтүн култууратын төрүттээччи, норуодунай ырыаһыт, олоҥхоһут, СССР Суруйааччыларын сойууһун аан бастакы чилиэннэриттэн биирдэстэрэ, РСФСР уонна СССР култууратын үтүөлээх үлэһитэ С. А. Зверев – Кыыл Уола төрөөбүтэ 125 сылыгар анаан М.З. Мартынов- Бөөдөс Уола «Уол Дуолан бухатыыр» олоҥхотун туруорбуттар. Бу туруорууга барыта 90 киһи кыттыбыт.

Испэктээги С. А. Зверев-Кыыл Уола аатынан култуура киинигэр икки күн устата көрдөрбүттэр, ол тухары саалаҕа дьон тобус-толору мустубут. Киин үлэһиттэрэ, режиссер Антон Ботаков көрөөччүнү олус сэргэхситэр, аныгылыы тыыннаах, ол эрээри олоҥхо ис тутулун уларыппатах, бэртээхэй дьүһүйүүтүн көрдөрөн, дьон сүргэтин көтөхпүттэр. Уол Дуолан бухатыыры Сунтаар талааннаах ыччата, фольклору тарҕатааччы Айсен Федоров толорбут. Оттон Үрүҥ Үүйэл Куону фольклорга уһуйааччы Александра Яковлева оонньообут.

5215219938623613660

Сонун төрдө: СӨ Култуураҕа уонна духуобунай сайдыыга министиэристибэтэ

 

Санааҕын суруй

Бүтэһик сонуннар