Киир

Киир

Сотору унньуктаах уһун кыһын кэнниттэн күммүт уһуоҕа, самаан сайын аргыый аҕай чугаһыаҕа. Халлаан сылыйаатын кытта, саха дьоно ыһыахха бэлэмнэнэр үгэстээхтэр. Ким таҥаһын-сабын көрүнэр, ким киэргэлин-симэҕин булунар. Маныаха бу кэмҥэ көмүс уустар үлэлэрэ биллэ элбиир. Онон Саха сирин бастыҥ оҥорон таһаарар тэрилтэтин – УРУУ ювелирнай хампаанньаны – таларга 5 төрүөтү сырдатабыт.

«УРУУ» – саха омук кэскилэ 

«УРУУ» ювелирнай хампаанньа саха омук кэскилэ диэтэхпитинэ, сыыспаппыт буолуо. Тэрилтэ хара маҥнайгыттан саха култууратын, сиэрин-туомун киэҥ эйгэҕэ тарҕатар сыаллаах-соруктаах үлэлиир. «УРУУ» аата да этэринии, урууга-аймахха, ыал буолар дьоҥҥо, дьиэ кэргэҥҥэ, алаһа дьиэҕэ чугас. Ол да иһин буолуо, «УРУУ» оҥоһуктарын саха дьоно сөбүлээн талаллар.

«УРУУ» – дьиэ кэргэни холбуур бастыҥ тэрилтэ

Хампаанньа 2016 сыллаахха тэриллэн, кэргэннии буолуу биһилэҕин уонна бирилийээннээх кыһыл көмүс биһилэҕи оҥорон барбыта. Араас моһуоннаах: сахалыы истииллээх, бирилийээннээх, суон эбэтэр синньигэс, көнө эбэтэр лоппоҕор быһыылаах биһилэх арааһа «УРУУ»-га баар. Ыал буолар дьоҥҥо табыгастаах чэпчэтии, араас аахсыйа мэлдьи ыытыллар.

Тоҕо үрүҥ көмүһү ордоробутуй?

Үрүҥ көмүс өҥө-дьүһүнэ сырдык, чочуйарга сымнаҕас буолан, уустар ордук сөбүлээн тутталлар. Өбүгэлэрбит этэллэринэн, үрүҥ көмүс куһаҕан тыынтан харыстыыр уонна араҥаччылыыр: сахалыы үрүҥ көмүс симэх оһуора-бичигэ, кылыгырас тыаһа Аллараа дойду абааһытыттан, куһаҕан санааттан көмүскүүр. Доруобуйаҕа туһалааҕын бары да билэргит буолуо. Ол иһин «УРУУ» маастардара үрүҥ көмүһү ордороллор. «УРУУ» хас биирдии оҥоһугар сиэрбит-майгыбыт, дириҥ култуурабыт, баай айылҕабыт көстөр.

Оһуор-мандар туһунан

«УРУУ» маастардара сахалыы оҥо­һукка эриллэҕэс оһуору, сибэкки эминньэҕин, арылла илик сибэкки эбэтэр үс сэбирдэҕи ойуулууллар. Ордук көҕүөр ойуу туттуллар. Орнамены чинчийээччилэр “лира” эбэтэр “лировидный орнамент” диэн аат­тыыл­лар. Көҕүөр ойууну олоҕу сал­ҕаа­һыны, үүнүүнү-сайдыыны, оҕолонууну-урууланыыны кэрэһилиир оһуор быһыытынан көрүөххэ сөп. Көмүс оҥоһукка ойууламмыт ханнык баҕарар оһуор ааттаах-суоллаах, өйдөбүллээх буолар, мээнэҕэ туттуллубат. Холобура, эр киһиэхэ көмүс оҥоһугу бэлэхтиир буоллаххына, ойуутугар болҕомто уурар наада – көҕүөр ойуу барсыбат, ол оннугар “Биэс харах” бэлиэни туттуохха сөп. «УРУУ» дизайнердара оҥоһук быһыытын-таһаатын толкуйдуох иннинэ, ханнык баҕар оһуор, ойуу суолталарын дириҥник үөрэтэллэр.

Сахалартан сахаларга

Үгүс көмүһү атыылыыр маҕаһыын кэлии табаары атыылыыр эбит буол­лаҕына, «УРУУ» ювелирнай хампаанньа оҥоһуктара бэйэбит дойдубутугар чочуллаллар. Тэрилтэ оҥорон таһаарар собуота өрөспүүбүлүкэбит килбэйэр киинигэр – Дьокуускай куоракка – турар. Манна күн бүгүн Сахабыт сирин араас улууһуттан 130-ча исписэлиис, олор истэригэр талааннаах удьуор уустар, идэлээх дизайнердар, ювелирдар үлэлииллэр.

«УРУУ» ювелирнай хампаанньа Саха сиригэр, Уһук Илиҥҥи эрэгийиэҥҥэ бастыҥ оҥорон таһаарар тэрилтэнэн биллэр. Ааспыт сыл түмүгүнэн Федеральнай пробирнай палаата эриэйтининэн «УРУУ» ювелирнай хампаанньа кыһыл көмүһүнэн оҥорууга Арассыыйа 1706 тэрилтэтиттэн 181-с миэстэҕэ тахсан турар. Итиэннэ өрөспүүбүлүкэтээҕи бастыҥ ювелирнай оҥоһуктар быыстапкаларыгар «Бастыҥ национальнай оҥоһук» анал аакка тиксибитэ.

Хампаанньа Дьокуускай куорат үрдүнэн 6 солуону уонна Москуба куоракка биир атыы эргиэн туочукатын үлэлэтэр, куйаар ситимигэр эмиэ атыылыыр.

WhatsApp Image 2025 01 23 at 14.14.57

Аадырыстарбыт: 

– «Сахаэкспоцентр» ТВК, 3-с этээс

– «Туймаада» ТРК, 3-с этээс

– «Ураса Молл» ТЦ, 1-кы этээс

– «Айсберг» ТЦ, 2-с этээс

– Лермонтов уул., 37Б, 2-с этээс

– «Азия» ТРК, 1-кы этээс

– Москуба к., «Охотный ряд» ТЦ, -1-кы этээс, үөһээҥҥи таһым. 

IMG 2491

Санааҕын суруй

Бүтэһик сонуннар