Олунньу 26 күнүгэр “Синема” киинэ тыйаатырыгар “Мой парень - Айдол” диэн бастакы сахалыы дорама сабыылаах пресс-көрдөрүүтэ буолан ааста. Манна киинэни устааччылар уонна сүрүн артыыстар Эрхаан Попов, Айыына Слепцова уонна Дьулусхан Андросов кытыннылар.
Дорама –Соҕуруу-Илиҥҥи Азия, сүрүннээн Япония уонна Соҕуруу Корея сериалларыттан кэлбит тыл буолар. Дьиҥэр, аангылыйа “drama” диэн тылыттан тахсыбыт. Дорама Азия дойдуларыгар эрэ буолбакка, Америкаттан саҕалаан Австралияҕа мөлүйүөнүнэн көрөөччүлэр биһириир киинэлэрэ.
Айыына Слепцова уонна Эрхаан Попов киинэҕэ хайдах бэлэмнэммиттэрин, уһуллубуттарын туһунан кэпсээтилэр. Айыына оруолугар киирээри, 6 киилэни эппитин, ону тэҥэ киэҥник биллэр дорамалар дьоруойдарын болҕомтолоохтук үөрэппитин билиннэ.
“Бу киинэҕэ уһуллаары, күн аайы дьарыктаммытым. Маны классическай дорама диир сатаммат, тоҕо диэтэххэ, бэйэтэ туспа ураты эйгэлээх”, – диэн Эрхаан Попов бэлиэтээтэ.
Оттон, мин санаабар, бу киинэ эдэр дьоҥҥо, чуолаан, кыргыттарга ордук чугас буолууһу. Киинэ премьерата кулун тутар 6 күнүгэр буолуоҕа.
Татьяна Жанчикова.
