Арассыыйа култууратын күнүгэр Саха академическай тыйаатырга тыа сирин култуура тэрилтэлэрин өйүүргэ анаммыт субсидияны биэриигэ сүүмэрдиир күрэс кыайыылаахтарыгар сэртипикээт туттардылар.
Кыайыылаахтар ортолоругар – Мэҥэ Хаҥалас «Кыталык» оҕо-ыччат эстиэтикэлии киинэ, Тааттатааҕы Култуура уонна успуорт сайдыытын киинэ, Чурапчытааҕы «Айыллаан» култуура киинэ, Хаҥалас улууһун «Сарыал» култуура киинэ, Нам улууһун Кириэс-Кытыл сэлиэнньэтин «Түһүлгэ» норуот айымньытын киинэ, Сунтаар улууһун оҕо бибилэтиэкэтэ, Тыа мадьыалынай бибилэтиэкэтэ – Дьокуускай куорат 9 №-дээх филиала, Мэҥэ Хаҥалас улууһун Тараҕай сэлиэнньэтин бибилэтиэкэтэ, Өймөкөөн улууһун Үчүгэй сэлиэнньэтин бибилэтиэкэтэ, Таатта улууһун «Туллукчаан» оҕо бибилэтиэкэтэ, Анаабыр кыраайы үөрэтии-этнография түмэлэ, Мэҥэ Алдан литэритиирэ-кыраайы үөрэтии түмэлэ бааллар.
Маны сэргэ тыа сирин култуура тэрилтэлэрин 22 бастыҥ үлэһитигэр өрөспүүбүлүкэ бүддьүөтүттэн субсидия ылыытыгар сүүмэрдиир күрэх кыайыылааҕын сэртипикээтин туттардылар. Өссө култуура эйгэтин ситиһиилээх үлэһиттэригэр РФ култууратын миниистирин махтал суруктарын, биэдэмистибэ наҕараадаларын биэрдилэр.
Сонун төрдө: СӨ Бырабыыталыстыбатын уонна Ил Дарханын пресс-сулууспата
