Кулун тутар 28 күнүгэр олохтоох бириэмэнэн киэһэ 17:45 чааска «Россия-Культура» ханаалга Symohonica ARTica Судаарыстыбаннай симфоническай аркыастыр Санкт-Петербург к. Мариинскай тыйаатырыгар кэнсиэрин туһунан «Царская ложа» биэрии тахсыаҕа.
Ол курдук, былырыын тохсунньу 5 күнүгэр Саха сирин Наталья Базалева салайааччылаах аркыастыра аан дойду классикатын уонна эдэр ааптардар үлэлэрин киллэрэр интэриэһинэй бырагырааманы көрдөрбүтэ.
Кэнсиэр бастакы түһүмэҕэр Бүтүн Арассыыйатааҕы III «Партитура» куонкурус лауреаттарын – Сардаана Заровняева (Дьокуускай) уонна Анастасия Дружинина (Улан-Удэ) айымньылара тыаһаабыттара. Иккискэ - Антон Брукнер аатырбыт 6 №-дээх симфонията.
Сонун төрдө: СӨ Бырабыыталыстыбатын уонна Ил Дарханын пресс-сулууспата
