“Туой-Хайа-Фест 2025” эстрада ырыатын толорооччулар уонна ВИА кэлэктииптэрин өрөспүүбүлүкэтээҕи ХХХII бэстибээл-куонкуруһугар кыттыан баҕалаахтар сайаапкаларын хомуйан эрэллэр. Тэрийээччи – АЛРОСА култуураҕа-успуорка комплекса – үс сүүмэрдиир түһүмэҕи бэлэмнээтэ. Олор, үгэс курдук, Мииринэй улууһун Арыылаах бөһүөлэгэр уонна Мииринэй куоракка буолуохтара. Бириис уопсай пуондата – 965 000 солкуобай.
Бэстибээл-куонкуруска биирдиилээн толорооччулары, дуэттары, триолары, ВИА-лары, сахалыы эстрада ырыатын кэлэктиибинэн толорооччулары, ол иһигэр ааспыт сыллардааҕы күрэстэр кыайыылаахтарын уонна лауреаттарын, ыҥыраллар. Кыттааччылар саастара – 16 – 40 саас. Сүрүн ирдэбил – ырыа “тыыннаахтыы” толоруллуохтаах (“плюс” фонограмма көҥүллэммэт), оттон ВИА-лар – толору (доҕуһуола, ырыата) “тыыннаахтыы”.
“Туой Хайа” бэстибээл-куонкурус – бэйэ кыаҕын-дьоҕурун көрдөрөргө, талааннаах толорооччулардыын билсэргэ, саҥа айар бырайыактары толкуйдуурга, маастар-кылаастарга профессионаллардыын алтыһарга кыаҕы арыйар үтүө түһүлгэ. Бу куонкурустан кынат анньынан Павел Семенов-Байбал, Лэгэнтэй, Ника, Сиэйэ Уола, Виталий Очиров, Дарья Лаврова, Ангелина уонна Ирена Файрушиналар, о.д.а. курдук биллэр ырыаһыттар ситэн-сириэдийэн тахсыбыттара.
Сайаапкалары бу электроннай почтаҕа ыытаҕыт: Этот адрес электронной почты защищён от спам-ботов. У вас должен быть включен JavaScript для просмотра.. Хас биирдии бөлөххө лауреаттар уонна дипломаннар быһаарыллыахтара, оттон кыайыылаах – биир буолуо. Сайаапкалары бэс ыйын 20 күнүгэр диэри туталлар.
Билсэр нүөмэрдэр:Попова Туйара Юрьевна - 89142545751 (Whatsapp+звонок)Петрова Альбина Васильевна - 89627303254 (Whatsapp+звонок)Иванова Анастасия Анатольевна -89141121363 (Whatsapp+звонок)
