Кытайга Сунзцян оройуон Култуураҕа уонна туризмҥа бюротун тэрийиитинэн, V-с Шанхайдааҕы норуоттар икки ардыларынааҕы «Хор сүрэҕэ» күрэх-бэстибээл түмүктэннэ. Тэрээһиҥҥэ Кытай, Швеция, Румыния, Израиль, Сербия, Болгария, Соҕуруу Африка, Венгрия уонна да атын дойду бастыҥ хордара кытыннылар.
Манна Арассыыйа аатыттан Саха сирин Филармониятын Симфонический хора кыттан «Светская музыка» номинацияҕа үрдүк наҕарааданы – Кыһыл көмүс дьупулуому ылла. Оттон «Духовная музыка» диэн олус уустук хайысхаҕа кэлэктиип бочуоттаах Үрүҥ көмүс дьупулуому тутта. Ону таһынан, тас дойду кэлэктииптэрин ортотугар олохтоммут «Кытай тылынан бастыҥ толоруу» диэн анал номинация дьупулуомугар тигистэ.
Филармония хорун кэлэктиибэ күрэс-бэстибээли арыйар кэнсиэргэ М. Матусовскай тылыгар В. Соловьёв-Седой «Подмосковные вечера» ырыатын уонна «Жасмин» диэн кытай норуотун ырыатын кытайдыы толордо. Онон, хор аан дойду биир бастыҥ сценатыгар тахсан үрдүк таһымнааҕын көрдөрдө.
Сонун төрдө: СӨ Бырабыыталыстыбатын уонна Ил Дарханын пресс-сулууспата
