Бэс ыйын 12 күнүгэр Москуба «Брюсов-холл» тыйаатыр-кэнсиэр саалатыгар ХХIII-с Норуоттар икки ардыларынааҕы «Дорҕоон куйаара» (Вселенная звука) муусука бэстибээлин чэрчитинэн «Хотугу саха дэгэрэҥ ырыата» (Дэгэрэҥ северных саха) кэнсиэр-лиэксийэ буолуоҕа. Арктикатааҕы судаарыстыбаннай култуура уонна ускуустуба институтун айар кэлэктиибэ көрөөччүлэргэ урут киэҥ эйгэҕэ ылламматах дэгэрэҥ ырыа ураты көрүҥнэрин билиһиннэриэ.
Муусуканы үөрэтээччи Варвара Дьяконова, этно ырыаһыт, аспыраан Надежда Варламова–Надикан, Дьааҥы муусуканан фольклорун илдьэ сылдьааччы Марина Васильева Дьааҥыга көстүбүт дэгэрэҥ сэдэх уонна ситэри үөрэтиллэ илик көрүҥнэрин: таҥалай, хабарҕа мурун уонна хоҥсуо ырыаларын толоруохтара, хомуһу төрүт ньыманан уонна аныгылыы тардан иһитиннэриэхтэрэ.
Сонун төрдө: СӨ Бырабыыталыстыбатын уонна Ил Дарханын пресс-сулууспата
