Алтынньыттан Саха сириттэн 20 оҕо (Хаҥалас, Ньурба, Чурапчы, Уус-Алдан уонна Кэбээйи улуустарыттан, ону таһынан Хатас сэлиэнньэтиттэн уонна Дьокуускай куораттан сүүмэрдэммиттэр) циркэ уустук ускуустубатыгар уһуйулла барыаҕа.
Барыта 10 кыыс уонна 10 уол 5 сыл устата Кытай Норуодунай Өрөспүүбүлүкэтин Учао куоратыгар баар Хэбэй акробатическай ускуустуба колледжыгар үөрэниэхтэрэ.
Саха сирин Судаарыстыбаннай циркэтэ Кытайга профессиональнай үөрэҕи ылбыт үс көлүөнэ выпускниктарынан киэн туттар. Бүгүн үгүс выпускниктар бэйэлэрэ уһуйааччы буолан, аан дойду саамай биллиилээх циркэлэрин ареналарыгар өрөспүүбүлүкэни чиэстээхтик ааттаталлар.
Санаттахха, өрөспүүбүлүкэҕэ циркэ ускуустубатын сайыннарыы артыыстар профессионал быһыытынан үүнэллэригэр эрэ көмөлөспөккө, Саха Өрөспүүбүлүкэтин үтүө аатын-суолун аан дойдутааҕы уопсастыбаҕа олохсутууга эмиэ кылаатын киллэрэр.
