Дэтэктииптэри суруйар биллиилээх саха суруйааччыта, астаапкаҕа сылдьар милиция полковнига Виталий Егоров «Ш.Н.С.» диэн трилогиятын иккис кинигэтин таһаарда. Дьиҥ түбэлтэҕэ олоҕурбут сэһэн «Резак: мертвая невеста» диэн ааттанар.
Максим Волошин бэрт дьиктитик сүппүт кыыс дьыалатын силиэстийэлиир. Онон дьарыктана сылдьан уруккуттан билсэр холуобунай ирдэбил үлэһитин Машковы көрсөр. Ол киһитэ Максимы кистэлэҥ үлэҕэ ыҥырар. Таарыйа кыыһы булуохпун сөп эбит диэн, эдэр силиэдэбэтэл сөбүлэһэр. Ыарахан дьыаланы арыйаары, Максим урукку кылааһынньыктарын ыҥыран хамаанда тэринэр. Бу иннинэ олохторун суоллара төһө да аҥы-аҥы арахсыбытын иһин, доҕордорун ыҥырыытын ылынан уопсай сорук туһугар – кыыһы буларга – бары түмсэллэр...
Кинигэ 6000 экземпляр тиражтаах бэчээттэннэ. Билиҥҥи кэмҥэ бу улахан тираж диэн сыаналанар. Кинигэни «Эдиссон» кыһата таһаарда, бу иннинэ Егоров кинигэлэрин «ЭКСМО» кыһатыгар таһаарар этэ.
Аан тыл
«Ш.Н.С.» кинигэҕэ ахтыллыбыт түбэлтэ кэнниттэн хас да сыл ааһан, XXI-с үйэ саҕаланар. Максим институту бүтэрэн автотранспортнай тэрилтэҕэ юриһынан үлэлии киирэр. Аны бу тэрилтэтин генеральный дириэктэринэн Марианна аҕата ананар. Марианна медицинскэй училищены бүтэрэн куорат балыыһатыгар сиэстэрэлии сылдьар. Оҕолоро – үстээх Петя уонна биэстээх Паша – төрөппүттэрин үөрдэ-көтүтэ, этэҥҥэ улаатан иһэллэр. Эдэр ыал, уруккута конспиративнай квартира буола сылдьыбыт биир хостоох «хрущевка» дьиэлэрин, эбии төлөөн, үс хостоох квартираҕа атастаһаллар. Дьэ, билигин саҥа дьиэлэригэр бары дэлэгэйдик олороллор.
...
Кинигэни Дьокуускайга «Горпечать» киоскаларыттан атыылаһыахха сөп.
Хаартыскаҕа түһэрии: Андрей ШИЛОВ.
Yakutia24/Якутия24
