Oton Animation студия ол туһунан биллэрдэ. Бу ойуулукка Чукучаан диэн хорсун кыыс, Хара Харамай диэн абааһыны сойуолаһа сылдьан, сураҕа сүппүт аҕатын көрдүү барар. Кинини элбэх мүччүргэннээх сырыылар, кистэлэҥнэр, таабырыннар уонна араас сир-дойду иччилэрэ күүтэллэр.
Ойуулук ааптардара социальнай ситимнэргэ: "Сценарий суруйарбытыгар өбүгэлэрбит уос номохторунан, хоту дойду айылҕатын тыынынан сирдэттибит. Кыра хамаанда тэринэн бэйэбит эрэ оҥордубут. Продюсер диэни көрдөөбөккө, улахан студия туһунан ыраламмакка даҕаны", — диэн кэпсээтилэр.
Бастакы сиэрийэни кулун тутар 14 күнүгэр студия бэйэтин ханаалыгар көрдөрүөхтэрэ.
