Икки тыһыынча кэриҥэ киһи олорор Абый Белай Горатыгар муус устарга кулууп иһинэн киинэ саалатын арыйыахтара.
Бу “Экстра Синема” тэрилтэ Абыйга бастакы, оттон Арктика эргимтэтигэр тохсус саалата. Хампаанньа үлэһиттэрэ кэпсээбиттэринэн, көрдөрөр тэрил-тээбирин суол сабыллыар диэри тиийиэхтээх уонна ЕАИС тиһиккэ бэлиэтэниини ааста, онлайн-билиэт ылыыта настройкаланна да, муус устартан үлэлээн барыахтаах.
Электроннай билиэт тиһигин киинэ саалыгар “СберАфиша” босхо биэрэр. Ити тиһиги аҥаардас киинэ билиэтин эрэ буолбакка, атын тэрээһин билиэтин атыылыырга эмиэ туһаныахха сөп. Ол иһигэр “Пушкин каартатынан эмиэ”.
“Экстра Синема” хампаанньа прокатка салаатын салайааччыта Николай Егоров: “2026 с. элбэх премьераны күүтэбит. Онон оборудование ороскуотун түргэнник сабыахха сөп. Холобур, Нам Намыгар уонна Аппаанытыгар баар саалалар прокаттан 2 мөл. тахсалыы солкуобайы киллэрэн, ол харчыны култуураларын дьиэтин сайдыытыгар туһанан эрэллэр”, – диир.
Саха сиригэр “Экстра Синема” хампаанньа 79 киинэни көрдөрөр саалата үлэлиир. Онтон аҕыһа хотугу улууска баар. Ити бырайыак бэрэсидьиэн В.В. Путин сорудаҕынан “Дьиэ кэргэн” национальнай бырайыакка киирбитэ.
