Урут симфоническай айымньылар нотаҕа түспэтэх эбэтэр сүппүт курдук ааҕыллыбыттарын чөлүгэр түһэрэр бырайыак Санкт-Петербурга көмүскэннэ.
Бу бырайыак улуу дирижер, СӨ норуодунай артыыһа Галина Кривошапко 110 сылыгар анаан оҥоһуллубут. Бырайыагы Арассыыйа Бэрэсидьиэнин култуураҕа граннарын пуондата өйөөбүт. Мариинскай тыйаатыр уонна Новгородтааҕы филармония сыаналарыгар сэдэх, сөргүтүллүбүт айымньылар толоруллуохтара.
ТАСС пресс-киинигэр бу барылга анаммыт пресс-кэмпириэнсийэ буолла. Манна Саха Өрөспүүбүлүкэтин күнүгэр анаммыт тэрээһиннэр тустарынан кэпсээтилэр. Арассыыйа Бэрэсидьиэнигэр Саха сирин бастайааннай бэрэстэбиитэлин солбуйааччыта Евгений Петров 2026 сыл Саха сиригэр Култуура сылынан биллэриллибитин туһунан тоһоҕолоон эттэ.
Арассыыйатааҕы урамнньы устуоруйатын үнүстүтүүтүн научнай үлэһитэ Георгий Ковалевскай саха композитордарын оркестровай партитураларын чөлүгэр түһэрии үлэтин сиһилии кэпсээтэ. Саха Өрөспүүбүлүкэтин Галина Кривошапко аатынан Судаарыстыбаннай филармониятын генеральнай дириэктэрэ Туйаара Пестрякова музыкальнай нэһилиэстибэни харыстааһын барыл чэрчитинэн оҥоһулларын уонна саха айымньылара Аан дойду үрдүнэн толоруллуохтаахтарын туһунан билиһиннэрдэ.
Бэй.кэр.
Хаартыска: Саха Өрөспүүбүлүкэтин Галина Кривошапко аатынан Судаарыстыбаннай филармония
