Казахстан Алматы куоратыгар “Аҕа” диэн ааттаах сахалар уонна казахтар кыттыгас детективтыы ис хоһоонноох триллер киинэлэрэ уһуллан бүттэ. Бу киинэни саха эдэр режиссера Петр Николаев салайан уһултарда.
Киинэ ис хоһоонун туһунан кылгастык сырдатан аһардахха, манна серийнэй өлөрүөхсүт илиититтэн төрөппүт кыыһын сүтэрбит аҕа ыар дьылҕата ойууланар. Кини сокуонунан кырдьыгы кыайан туруулаһан ситиспэккэ, бэйэтэ буруйдаах суолун ирдэһэн, бултаһан саҕалыыр. Бу киинэ Sakhawood диэн сахалыы киинэ уонна анимация сайдыытын пуондатын өйөбүлүнэн уһулунна. Оттон Петр Николаевка бу толору ис хоһоонноох аан бастакы киинэтинэн буолуоҕа. Кини билиҥҥитэ кинорежиссура хайысхатынан Сеулга үөрэнэ сылдьар.
Билигин айымньы уһуллан баран постпродакшн түһүмэҕэр киирдэ. Онон киэҥ экраҥҥа 2027 сыл олунньутугар тахсара былааннанар.
Kyym.ru
Хаартыска: Ykt.ru
