Күндү доҕоттор!
“КЫЫМ” хаһыат өрүү буоларын курдук, сэтинньи сэттистиир күүрээннээх күнүн чугаһыгар, сэтинньи 4 күнүгэр, Суорун Омоллоон аатынан Опера уонна балет судаарыстыбаннай тыйаатырыгар хомсомуол төрүттэмитэ үбүлүөйдээх 100 сылыгар сыһыаран,
“ЭН, КОМСОМОЛ, МИН ДЬОЛУМ” астык кэнсиэри тэрийэр.
Оччотооҕу кэм уостан түспэт, санааны кынаттыыр уоттаах-төлөннөөх, ылбаҕай ырыаларын , астык үҥкүүлэрүн көрөн, санаалыын сырдаан, туруктуун тупсан барыҥ диэн ыҥырабыт. Өрө көтөҕүллүүнү мэктиэлиибит.
Кэнсиэргэ СӨ Г.М. Кривошапко аатынан судаарыстыбаннай Филармония, “Туймаада” судаарыстыбаннай ансаамбыл, Тулагы-Киллэм нэһилиэгин уонна ХИФУ устудьуоннарын “Эйгэ” театральнай ансаамбыллара, Үҥкүү тыйаатыра, Эстрада тыйаатыра, ол иһигэр Байбал Сэмэнэп, Сахаайа, Андреана уо.д.а. кыттыахтара.
Кэнсиэр Д.К. Сивцев-Суорун Омоллоон аатынан ОПЕРА уонна БАЛЕТ тыйаатырыгар 17 чаастан саҕаланар.
Ол иннинэ 15 чаастан үҥкүү-битии, быыстапка, хаартыскаҕа түһүү тэриллэр.
Билиэт Бэчээт дьиэтин 111 кэб., “Кыым” хаһыат эрэдээксийэтигэр уонна Опера уонна балет тыйаатырын каассатыгар (каартанан ылбаттар) атыыланар. Сыаната – 500 солк.
Бука бары тутуспутунан кэлэн кыттыҥ, көрүҥ, сэргэхсийиҥ! Ийэ, аҕа, эһэ, эбэ дьоҥҥутугар билиэт ылан биэрэн, эдэр, кэрэ саастарын эргитэн, астык бэлэҕи оҥоруҥ!
Эһиги таптыыр“Кыым”хаһыаккыт
