Халаантан эмсэҕлээбит 5 улууска култуура дьиэлэрин уонна түмэллэри сөргүтэргэ федеральнай бүддьүөттэн эбии 14 мөл. солк. тахса үбү көрүөх курдуктар. Бу туһунан саҥа анаммыт Саха сирин култуураҕа уонна духуобунай сайдыыга миниистирэ Юрий Куприянов иһитиннэрэр.
“РФ Бырабыыталыстыбатын резервнэй пуондуттан эбии үбү көрөллөрүгэр кэпсэтии бара турар. Халаан уутуттан эмсэҕэлээбит 5 улууска 8 култуура эбийиэгин сөргүтэргэ биһиги эрэгийиэммитигэр эбии 14 мөл. солк. көрүөхтэрэ”, — диир тойон Куприянов.
Миниистир этэринэн, алтынньы 15 күнүгэр РФ Бырабыыталыстыбата таһаарбыт уурааҕын бырйыагын үп министиэристибэтигэр сөбүлэһиннэрбиттэр, билигин юстиция министиэристибэтэ бигэргэтээри көрө сылдьар.
Ити эбии үбү Уус Майда уонна Таатта улууһугар сүрүннээн ыытыахтара. “Аллараа Халыма улууһугар “Йынэттэн” чукча фольклорнай киинин, итиэннэ Орто уонна Үөһээ Халыма улуустарыгар тыа сирин кулууптарын сөргүтүүгэ ыытыахпыт”, — диир Куприянов.
