Кулун тутар 28 күнүгэр РФ Оборонаҕа миниистирэ, аармыйа генерала Сергей Шойгу Саха сириттэн төрүттээх майордарга Игорь Юргиҥҥа уонна Николай Соболевка Арассыыйа Дьоруойдарын «Кыһыл көмүс сулус» мэтээлин туттарда.
Аппыһыардар иккиэн Сэбиэскэй Сойуус маршала Рокоссовскай аатынан Уһук Илиҥҥи үрдүкү общевойсковой команднай училищены бүтэрбиттэр. Кинилэр анал байыаннай дьайыыларга саҕаланыаҕыттан кытта сылдьаллар. Үрдүк наҕараадаҕа бойобуой соруктары туйгуннук толорон тигистилэр.
Ил Дархан Айсен Николаев Дьоруойдары кытта Саха сирин бастайааннай бэрэстэбиитэлистибэтигэр көрүстэ. Кини өрөспүүбүлүкэ аатыттан махтанна уонна үгэс быһыытынан саха быһаҕын бэлэхтээтэ. Игорь уонна Николай уоппускаларыгар дойдуларыгар - Алдан оройуонун Аллараа Кураанах бөһүөлэгэр кэлэр былааннаахтара билиннэ.
Сонун төрдө: СӨ Бырабыыталыстыбатын уонна Ил Дарханын пресс-сулууспата
