“Esquire” саайтыгар бу сылга тахсыбыт 20 бастыҥ арассыыйатааҕы киинэлэр испииһэктэрэ таҕыста. Манна 15-с миэстэҕэ биир дойдулаахпыт Эдуард Новиков “Тойон кыыл” киинэтэ киирдэ.
Ону таһынан, испииһэккэ Данил Козловскай “Тренер”, Кирилл Серебрянников Виктор Цой туһунан “Лето” диэн киинэтэ, аччыгый Алексей Герман “Довлатов” уонна да атын киинэлэр бааллар. Бастакы миэстэҕэ Авдотьи Смирнова “История одного назначения” диэн политическай хартыыната сылдьар.
“ММКФ сахаларга чыпчаал буолбатах. Сорох киинэлэр Пусаҥҥа, Берлиҥҥэ, Торонтоҕа тиийэ бэстибээллэргэ кыттыбыттара», – диэн “Esquire” таһаарыыга суруллар.
Санатабыт, “Тойон кыыл” киинэ “Arctic оpen” норуоттар икки ардыларынааҕы киинэ бэстибээлигэр, ону таһынан, Польшаҕа буолбут “Спутник” бэстибээлгэ бэлиэтэммитэ.
