Режиссер Сергей Потапов туруорбут “Мин доҕорум Гамлет” испэктээгэ “Золотая маска” бириэмийэ “Драма - спектакль большой формы”диэн номинациятыгар киирдэ. Бу туһунан бириэмийэ саайтыгар суруллар.
“Мин доҕорум Гамлет” сахалыы испэктээк. Бу номинацияҕа башкирскай уонна татарскай тылынан туруоруулар киирдилэр.
“Золотая маска” Арассыыйатааҕы национальнай театральнай бириэмийэ, 1993 сыллаахха РФ театральнай деятеллэрин Сойууһун көҕүлээһининэн олохтоммута. Театральнай ускуустуба бары жанрдарыгар: драма, опера, балет, аныгы үҥкүү, оперетта уонна мюзикл, куукула тыйаатырыгар туруоруллубут испэктээктэргэ туттарыллар. Быйыл бириэмийэ 25-с төгүлүн ыытыллар.
