Муус устар 19-23 күннэригэр Суорун Омоллоон аатынан Опера уонна балет судаарыстыбаннай театра П.И. Чайковскай аатынан ХII норуоттар икки ардыларынааҕы куонкурус лауреата (Уһук Илиҥҥэ уонна Сибииргэ соҕотох), Опера уонна балет тыйаатырын солистката, РФ Үтүөлээх артыыһа, СӨ Норуодунай артыыһа Айталина Саввична Адамова-Афанасьева аатынан опера ырыаһыттарын аан бастакы норуоттар икки ардыларынааҕы бэстибээлин тэрийэн ыытар. Бэстибээл Айталина Адамова көмүс үбүлүөйүгэр ананар.
Бэстибээлгэ 35 саастарыгар диэри эдэр опера ырыаһыттара кыттыыны ылыахтара.
Бэстибээл бырагыраамата:
Муус устар 19 күнэ (бээтиниссэ)
15 ч. – кыттаччылары бэлиэтээһин уонна сэрэбиэйдээһин
18:30 ч. – Дж. Верди “Трубадур” (реж. Сергей Потапов) оператын премьерата.
Муус устар 20 күнэ (субуота)
17:00 ч. – Бэстибээл I түһүмэҕэ
Муус устар 22 күнэ (бэнидиэнньик)
15:00 ч. – Бэстибээл II түһүмэҕэ
Муус устар 23 күнэ (оптуорунньук)
18:00 ч. – Бэстибээл үөрүүлээх аһыллыыта. Бэстибээл ыалдьыттарын уонна кыайыылаахтарын гала-кэнсиэрэ.
Бэстибээл дьүүллүүр сүбэтин бэрэссэдээтэлинэн Мариинскай (Санкт Петербург) тыйаатыр эдэр ырыаһыттарын Академиятын, Хотугу Осетиятааҕы опера уонна балет тыйаатырын салайааччы, вокал эспиэрдэрин норуоттар икки ардыларынааҕы Ассоциациятын чилиэнэ Лариса Абисаловна Гергиева буолар. Оттон дьүүллүүр сүбэ чилиэттэринэн Арассыыйа норуодунай артыыһа, Чайковскай аатынан Москубатааҕы консерватория бэрэпиэссэрэ Анатолий Лошак, София оператын солиһа, «LaForzadellOpera» вице-бэрэсидьиэнэ Бойко Цветанов (Швейцария), Грузия норуодунай артыыһа, Вано Сараджишвили аатынан Тбилиситэҕи судаарыстыбаннай консерватория бэрэпиэссэрэ Гецадзе Эльдар (Грузия), “Орфей” араадьыйа шеф-редактора Татьяна Цветковская уо.д.а. киирдилэр.
Бэстибээлгэ Япония, Кытай, Монголия, Казахстан, Москуба, Санкт Петербург, Владивосток, Хабаровскай, Саха сирин ырыаһыттара кыттыыны ылыахтара.
