Муус устар 18 күнүгэр “Россия” тыйаатыр сыанатыгар 41-с Москубатааҕы норуоттар икки ардыларынааҕы киинэ бэстибээлин аһыллыыта буолан ааста. Манна “Мин үрдүбэр күн хаһан да киирбэт” диэн Любовь Борисова киинэтэ кыттар.
Киинэни бэстибээл аһыллыытын иннинэ дьүүллүүр сүбэ уонна суруналыыстар көрдүлэр. Онтон пресс-конференцияҕа саха режиссерун киинэтин дьүүллэһии буолла. Хас биирдии суруналыыс киинэ ааптардарыгар хартыына дириҥ ис хоһоонун, кэрэтин, муудараһын иһин махтаннылар. Саха киинэтэ атаҕар туран эрэрин бэлиэтээтилэр.
