Ыам ыйын 5 күнүгэр “МУЗ-ТВ” ханаалга аһаҕас эфиргэ, “Snow Voice” бөлөх дойдуга киэҥник биллэр ырыаһыт Ирина Нельсон “Давай танцуй” диэн ырыатыгар үҥкүүһүт быһыытынан кытыннылар.
Ол курдук, Москубатааҕы “Вегас” атыы-эргиэн киинигэр буолбут “МУЗ-ТВ” ханаал “Партийная зона” диэн шоутугар Ирина Нельсоны кытта кытыннылар. Манна Арассыыйа эстрадатын чаҕылхай ырыаһыттара Лена Катина, Лигалайз, Сосо Павлиашвили уонна “Пропаганда” бөлөх кыттыыны ыллылар. Сотору кэминэн Ирина Нельсон саҥа клибин сүрэхтиэ. Бу клипкэ “Snow Voice” уолаттара уһуллубуттара. Билигин уолаттар Андрей Говоров, Михаил Кычкин уонна Эрхаан Попов Москубаҕа олороллор. Продюсер Алексей Голубев кытта хантараактаахтар. “Snow Voice” бөлөҕү 2016 сыллаахха Семен Ченянов тэрийбитэ. “Саҥа ырыа” күрэскэ “Санаам эйиэхэ” диэн ырыаларынан дьоҥҥо-сэргэҕэ биллэн барбыттара.
