Дьокуускай куорат олохтоохторо уонна ыалдьыттара бэс ыйын 1-30 күннэригэр, СӨ Национальнай уус-уран мусуойугар “Лето впечатлений” диэн Арассыыйа биллиилээх худуоһунньугун Никас Сафронов айар быыстапкатын көрөр кыахтаныахтара.
Манна араас жанрга суруллубут 100 тахса үлэтэ дьон дьүүлүгэр тахсыа. Дэвид Боуи, Николь Кидман, Клинт Иствуд, Лев Дуров курдук Аан дойдуга биллэр дьон мэтириэттэрэ уонна худуоһунньук бэйэтин суруммут мэтириэттэрэ туруохтара. Худуоһунньук сүрүн үлэлэрэ биирдиилээн дьоҥҥо уонна үгүс тас дойдулар мусуойдарыгар турар.
