«Leto Yakutia» аныгы култуура бэстибээлэ Арассыыйа бэрэсидьиэнин граннарын кыайыылааҕынан буолла.
Бэстибээл кыайыытын туһунан худуоһунньук, Саха сирин куораттарын эйгэтин боппуруостарыгар киин арт-дириэктэрэ Кыыдаана Игнатьева иһитиннэрэр.
Кини “олунньу ыйтан быыстала суох үлэлэспит бырайыакпытын бигэргэттилэр. Мантан инньэ Саха сирин 15 нэһилиэнньэлээх пууннарыгар олохтох худуоһунньуктар арт-эбийиэктэрэ баар буолуоҕа” диир.
Грант харчытын кээмэйэ 6 мөл. солк. Саҕа арт-эбийиэктэр Дьокуускай, Нерюнгри, Мииринэй, Ленскэй, Алдан, Өлүөхүмэ, Удачнай, Бүлүү, Покровскай, Ньурба, Орто Халыма, Верхоянскай куораттарга уонна Чурапчы, Амма, Бэрдьигэстээх сэлиэнньэлэригэр баар буолуохтара.
