Бу күннэргэ Амма улууһугар эдэр худуоһунньук Семен Луканси быыстапката арылынна. Бу Семен төрөөбүт дойдутугар саамай улахан быыстапката буолар эбит. Быыстапка арыллыытыгар А. Черемных аатынан Амматааҕы оҕо ускуустубатын оскуолатыгар араас сылларга суруйбут 103 хартыынатын бэлэхтээтэ.
“Бу дьоҕус кылаатым Амма улууһугар дьүһүннүүр ускуустуба сайдарыгар төһүү күүс буолуоҕа уонна үүнэр көлүөнэ ортотугар интэриэһи тардыаҕа диэммин эрэнэбин”, – диэн Семен Луканси социальнай ситимҥэ суруйбут.
Амма улууһун баһылыга Николай Архипов эдэр худуоһунньукка “Амма киэн туттуута” (“Гордость Амги”) диэн түөскэ анньыллар бэлиэни туттарда.
