“Саха” НКИХ продюсерскай киинэ “Танцуй!” диэн саҥа сааратар бырайыагы бэлэмниир. Манна 18-тан үөһэ саастаах ким баҕар кыттыан сөп диэн “Якутия” телеханаал иһитиннэрэр.
“Саҥа Дьыл кэнниттэн “Эн сулускун 50+” диэн бырайыагы ыыппыппыт. Үгүс дьон интэриэһин тардыбыта. Биһиги өрөспүүбүлүкэбит олус элбэх талааннаах дьонноох. Ол иһин, күһүҥҥэттэн аны үҥкүү бырайыагын ыытарга быһаарынныбыт. Хас биирдии дэриэбинэҕэ, тэрилтэлэргэ үҥкүүһүт дьон бааллар бөҕө буоллаҕа дии”, – диэн толорооччу продюсер Алена Антонова иһитиннэрэр.
Куоҥкурус усулуобуйатынан 10-ча киһилээх идэтийбэтэх үҥкүү бөлөхтөрө кыталлар. Бырайыак алтынньы ыйтан саҕаланар уонна субуота аайы аһаҕас эфиргэ тахсар буолуоҕа.
