“Култуура” национальнай бырайыак чэрчитинэн өрөспүүбүлүкэ үрдүнэн оҕо ускуустубатын аҕыс оскуолата, материальнай-техническэй базатын саҥардыыга, муусука тэрилинэн, үөрэнэр пособиеларынан хааччыллыыга 5-тии мөл солк ылыахтара.
“Майятааҕы, Намнааҕы, Нерюнгритааҕы, Аллараа Халыматааҕы, Ньурбатааҕы, Орто Халыматааҕы уонна Дьокуускайдааҕы 1 уонна 2-с №-дээх оҕо ускуустубатын оскуолалара, “Култуура” национальнай бырайыак чэрчитинэн 5-тии мөл солк ылыахтара. Онон муусука тэриллэринэн, үөрэнэр пособиеларынан хааччыллыахтара уонна материальнай-техническэй базаларын саҥардыахтара”, – диэн СӨ култуура уонна духуобунай сайдыы министиэристибэтин ресурснай-бырайыактыыр киин дириэктэрэ Михаил Донской бэлиэтээтэ. Ону таһынан, үөрэх тэрилтэлэригэр 75 фортепианоны ыларга үлэ ыытыллар.
