Киир

Киир

Бэнидиэнньиккэ Ярославль куоракка норуоттар икки ардыларынааҕы Волковскай бэстибээлгэ, нуучча тыйаатырын төрүттээччи Федор Волков аатынан РФ бырабыыталыстыбатын бириэмийэтин туттардылар.

П.И. Чайковскай аатынан Пермскэйдээҕи опера уонна балет академическай тыйаатыра, Новосибирскайдааҕы Сергей Афанасьев драматическай тыйаатыра, ону таһынан Саха сириттэн Үүнэр көлүөнэ тыйаатырын уус-уран салайааччыта Алексей Павлов бириэмийэ лауреаттарынан буоллулар.

Алексей Павлов анал наҕарааданы ылла. “Тыйаатыр сылыгар нуучча бастакы идэлээх тыйаатырын, бастакы идэлээх артыыһын аатынан бириэмийэни ылбыппыттан олус үөрэбин. Туругурдун Волковскай бэстибээл!”, – диэн Алексей Павлов эттэ.

Норуоттар икки ардыларынааҕы ХХ Волковскай бэстибээл балаҕан ыйын 29 күнүгэр диэри ыытыллар. Федор Волков аатынан бириэмийэ Арассыыйа тыйаатырын ускуустубатын сайыннарыыга кылаатын иһин туттарыллар. Бириэмийэни 1999 сыллаахха РФ бырабыыталыстыбата олохтообута. Сыл аайы үс бириэмийэ туттарыллар.

 News.Ykt.Ru

Санааҕын суруй

Бүтэһик сонуннар