Алтынньы 3-11 күннэригэр Саха тыйаатырын артыыстара Алдаҥҥа уонна Нерюнгрига гостуруоллуохтара. Бу туһунан тыйаатыр пресс-сулууспата иһитиннэрэр.
Саха тыйаатырын дириэктэрэ Анатолий Николаев иһитиннэрбитинэн, икки куоракка үстүү испэктээкили көрдөрүөхтэрэ. Ол курдук, Андрей Борисов туруоруутугар “Хаарыан хампа күөх кытылым...”, 2015 сыллаахха Алтайдааҕы тыйаатыр сүрүн режииссера Эмма Иришева туруоруутугар “Ревиззор” уонна Руслан Тараховскай туруоруутугар “Ойуун Кээрэкээн” испэктээкиллэри көрдөрүөхтэрэ.
