Арассыыйа уонна Саха сирин үтүөлээх артыыһа, опера бастыҥ солистката Айталина Саввична Адамова-Афанасьева үбүлүөйдээх тэрээһиннэрин чэрчитинэн, бу дьыл алтынньы 25 күнүгэр киэһэ 18 ч. Дж.Верди аатырбыт “Трубадур” оператын оригинал тылынан аан бастакытын туруоруохтара.
Бу саҥа туруоруу өрөспүүбүлүкэ култуурунай олоҕор сонун, бэрт интэриэһинэй буолара саарбахтаммат. Туруорууну “Кыһыл көмүс мааска” хаһаайына, дойдуга киэҥник биллибит, аатырбыт Саха тыйаатырын режиссера Сергей Потапов туруорар. Кини хамаандата: туруорааччы-худуоһунньук Михаил Егоров уонна Сардаана Федотова. Сергей Потапов туруоруулара куруук чаҕылхай, көрөөччү киэҥ биһирэбилин ылалларын санатабыт.
“Трубадур” классическай операны Сергей Потапов пост-апокалиптическай эйгэҕэ киллэриэҕэ, манна сир анныгар дьон саҥа олоҕу тута сатыыр түгэннэрэ көстүөҕэ. Онон туруоруу декорцията сөп түбэһэр буолуоҕа. Төһө да испэктээк геройдара тиһэҕэр суорума суолга тиийдэллэр, испэктээх саҥа олох үөскүүрүн кэрэһэлиир. Туруоруу тумус этиитэ – өлүү дэгиэ тыҥыраҕын кыайыы буолар. Бу тумус этии Италия аатырбыт, ураты композитарын муусукатыгар тиһиллиэҕэ.
Испэктээк туруорааччы-дирижера – Азербайджан норуодунай артыыһа Фахраддин Керимов.
Дирижер – Евгений Шейко
Уот худуоһуньуга – Денис Солнцев (Санкт – Петербург)
Хормейстер: Октябрина Птицына
Хореограф – Екатерина Тайшина
Консультант – Прокопий Неустроев
Сүрүн партияларга:
Азучена – А. Адамова-Афанасьева
Манрико – Михаил Пирогов (Красноярскай)
Граф ди Луна - Юрий Баишев
Леонора - Прасковья Герасимова
Билиэт сыаната: 300-500 руб.
Сиһилии билсэр төл: 36-06-90
Билиэттэри онлайн атыылыыр саайтар: Afisha.ykt.ru, tesserus.com
Саһынан хааччах: 16+
