Алтынньы 17-20 күннэригэр Дьокуускай куоракка, Өксөкүлээх Өлөксөй аатынан Норуоттар доҕордоһууларын дьиэтигэр, муоһунан кыһыы ускуустубатын бэстибээлэ буола турар.
Арассыыйа норуоттарын муоһунан кыһыы ускуустубатын VII бэстибээлигэр Гренландияттан бэрэстэбиитэллэр кытталлар. Ону таһынан, дойду 13 эрэгийиэниттэн маастартадар кэлбиттэр. Ол курдук, Тыва өрөспүүбүлүкэтиттэн, Бурятияттан, Алтайтан, Магаданскай уобаластан, Хабаровскай, Приморскай кыраайдартан, Ненецкай автономнай уокуруктан уонна Саха сирин 14 улууһуттан, үс үөрэх кыһаларыттан маастардар кытталлар.
Быыстапкаҕа муостан уонна да атын матырыйаалтан кыһыллыбыт оҥоһуктар дьон дьүүлүгэр турдулар. Быыстапка икки этээһинэн: галереяҕа уонна мраморнай саалга буола турар. Киириитэ босхо.
Бэстибээл бырагырааммата: быыстапка-дьаармарка, “Традиции и современность косторезного искусства народов России” диэн научнай-практическай конференция, куоҥкурус, маастар-кылаастар уонна “Сказ на бивне мамонта” диэн тиэмэҕэ “төгүрүк остуол”.
Александр Назаров хаартыскалара.