Муоһунан кыһыы ускуустуба бэстибээлигэр Бурятия маастара Бато-Мунко Чимитов бастыҥынан ааттанна. Бу туһунан СӨ култуураҕа уонна духуобунай сайдыыга министиэристибэтэ иһитиннэрэр.
Дьокуускайга Арассыыйа норуоттарын муоһунан кыһыы ускуустубатын VII бэстибээлэ түмүктэннэ. Манна дойду 13 эрэгийиэниттэн уонна Гренландияттан 100 тахса маастар кыттыыны ылла.
Маастардар оҥоһуктарын Александр Греков салайааччылаах дьүүллүүр сүбэ сыаналаата. “Сказ на бивне мамонта” диэн үлэтинэн Гран-при хаһаайынынан Бурятия маастара Бато-Мунко Чимитов буолла. Кини 100 солк сэртипикээтинэн наҕараадаланна.
Бато-Мунко сэлии муоһуттан оҥоһуллубут алта үлэтин көрдөрдө. Ол курдук, Хамбо-ламы Итигэлов иконата, Чингисхан скульптурата, монгуоллар саахыматтара, Алан-гоа ойуулаах панно-бүлүүһэ, быһах уонна худуоһунньуктар сойуустарын урукку бэрэссэдээтэлэ Баир Дугаров мэтириэтэ.
“Мин Саха сиригэр бастакы сырыым буолар. Кыайыам диэн санаабатаҕым. Улан-Удэҕа муоһунан кыһыыга соҕотох маастарбын. Ол иһин, үлэлэрбин үрдүктүк сыаналаабыттарыттан олус үөрдүм”, – диэн Бато-Мунко Чимитов эттэ.
