Ил Түмэҥҥэ ити тиэмэҕэ ыытыллыбыт төгүрүк остуолу билимҥэ, үөрэхтээһиҥҥэ, култуураҕа, маассабай информация сириэстибэлэригэр уонна уопсастыбаннай үлэ дьыалаларыгар профильнай кэмитиэт бэрэссэдээтэлэ Феодосия Габышева салайан ыытта.
Кини материальнайа суох култуурунай нэһилиэстибэ эбийиэктэрин оруолларын үрдэтиигэ ыытыллыбыт үлэ түмүгүн кытта билиһиннэрдэ. Култуурунай нэһилиэстибэ сорох эбийиэктэригэр кэккэ сокуоннар киирдилэр. Феодосия Габышева билигин бу эйгэҕэ тирэх сокуон суоҕун бэлиэтээтэ. Билигин ситэриигэ сылдьар сокуон бырайыага көтүтүүлэргэ үлэлиэхтээх.
Сокуон саҥа барыла тылга, диалекка, үгэскэ, сиэргэ-туомҥа, норуот тылынан айымньытыгар, толоруу ускуустубатыгар, норуот аһаан-таҥнан олорор үгэһин хамсаныытыгар, толоруутугар, саха уонна хотугу норуоттар литэрэтиирэлэригэр, кинематографияҕа, айар каадыры бэлэмнээһин систиэмэтигэр тирэҕирэр.
Интэриниэт хаартыската.
